Saturday, November 9, 2024
தமிழர்களின் இல்லங்களில் தவறாது வணங்கப்படவேண்டிய பெருமான்...
Friday, December 22, 2023
அனல் வாதம் புனல் வாதம்
Wednesday, May 18, 2022
திருஞானசம்பந்தர் என்ற ஒரு பெருமான் தோன்றியிருக்காவிட்டால்...
Friday, May 14, 2021
நந்தி எனும் சிவன்காளை என்பது நமது மனம்!!

நம் முன்னோர் வடித்த மிகச்சிறப்பான வடிவங்களில் ஒன்று. இவ்வுலகில் நாம் எப்படி வாழ வேண்டுமென்பதை உணர்த்துவது. அன்றைய பெருந்தொழிலான உழவை அடிப்படையாகக் கொண்டது.
காளையின் தலைவன் அதன் முதலாளி. அவன் இட்ட பணிகளை பலன் எதிர்பார்க்காமல் செவ்வனே செய்யும். விளைந்த நெல்லை தலைவன் எடுத்துக் கொள்ள, அவன் கழித்து விட்டுச்சென்ற தட்டையை உண்டு உயிர் வாழும். காளையின் கழிவுகளால் நிலம் மேம்படும். எந்த வேலையில் ஈடுபட்டிருந்தாலும், தலைவன் மீது கவனம் வைத்திருக்கும்.
இவ்வாறே, நாமும் இவ்வுலகில் வாழவேண்டும். இறைவன் நம் தலைவன். பிரதிபலன் எதிர்பார்க்காமல், வாழ்வை சேவையாகக் கருதி வாழவேண்டும். நமது கழிவுகளால் உலகம் மேம்படவேண்டும் (#பகவான் திரு #ரமண மாமுனிவரின் 🌺🙏🏽🙇🏽♂️ கழிவு: நான் யார்?). எந்த வேலையில் ஈடுபட்டிருந்தாலும், நமது தன்மையுணர்வின் மீது கவனம் இருக்கவேண்டும். ("ஒருவன் உழைக்க வேண்டியிருக்கும் வரையில் தன்னையறியும் முயற்சியையும் கைவிடக்கூடாது" என்பது பகவானது வாக்கு.)
oOOo
8ம் நூற்றாண்டில், பௌத்தத்திலிருந்து தோன்றிய வைணவத்திலுள்ள பசுமாட்டுச் சடங்கிற்கும் சைவத்தின் சிவன்காளைதான் அடிப்படை!
நமது பெரியவர்கள், காளையை இறைவன் முன் அமரவைத்து உழவிற்கு பெருமை சேர்த்தனர் என்பதால் வைணவர்கள், திருப்பள்ளியெழுச்சி சடங்கின் போது, பெருமாளின் முன் பசுமாட்டை திருப்பி நிற்க வைத்து உழவிற்கு பெருமை சேர்த்தனர் (சைவத்தில் உள்ளவை யாவும் வைணவத்தில் இன்னும் சிறப்பாக, பெரிதாக இடம் பெற்றிருக்கவேண்டுமே!! ☺️).
பசுவின் பின்புறத்தின் வழியாக சிறுநீரும், சாணமும் வெளியேறும். இவற்றை நிலத்தில் சேர்த்தால், நிலம் வளம் பெரும். வளமடைந்தால், விளைச்சல் பெருகும். விளைச்சல் பெருகினால் வருமானம் (செல்வம்) பெருகும். ஆக, வருமானம்=செல்வம்=லட்சுமி இருக்குமிடம் பசுவின் பின்புறம்!!
மற்ற உயிரிகளின் சாணத்தை விட, நம் நாட்டுப்பசுவின் சாணத்தில் பலமடங்கு நல்லது செய்யும் நுண்ணுயிரிகள் உள்ளன.
திருப்பள்ளியெழுச்சியின் போது, பெருமாளின் முன்புறம் பசுமாட்டை திருப்பி நிற்கவைப்பார்கள். இதற்கு, "பெருமாள் தனது மனைவியை பார்த்துக்கொண்டே எழுகிறார்" என்பார்கள். சிலர், பசுமாட்டைக் கண்டவுடன் அதன் பின்பகுதியைத் தொட்டு வணங்குவார்கள். இவ்விரண்டிற்கும் உட்பொருள் மேற்கண்ட விளக்கம் தான்.
இப்படிப்பட்ட சடங்கு மற்றும் செயல்களின் மூலம் நாட்டுப்பசுவினுடைய கழிவுகளின் மேன்மையைப் பற்றிய அறிவை பதிவு செய்து காப்பாற்றியிருக்கிறார்கள்!!
oOOo
🔹திருபுன்கூரில் "நந்தனாருக்காக விலகிய நந்தி" எனில், அவ்விடத்தில், உலக காட்சிகள் நீங்க பெற்று, நந்தனார் நாயனார் 🌺🙏🏽🙇🏽♂️ சமாதித் துய்ப்பு பெற்றுள்ளார் என்று பொருள். இதேதான் "பட்டீச்சுரத்திலுள்ள திருஞானசம்பந்த பெருமானுக்காக 🌺🙏🏽🙇🏽♂️ விலகிய நந்தி" என்பதன் பொருளும். அவ்விடத்தில் பிள்ளையார் சமாதித் துய்ப்பு பெற்றுள்ளார்.
🔹திருவல்லத்தில் (முதலாம் ராஜராஜ சோழரின் மாமனும், படைத்தளபதியுமான வந்தியத்தேவனின் ஊர்) கஞ்சனுடன் போராடிய நந்தி: கஞ்சன் என்பது உலகக்காட்சி. கஞ்சனை வெல்வது என்பது உலகக் காட்சிகளின் பொய்த்தன்மையை உணர்வதாகும்!!
இங்குள்ள மூலவருக்கு முன்னுள்ள பலிபீடம் போன்ற அமைப்பின் கீழே தான் சனத்குமார மாமுனிவர் 🌺🙏🏽🙇🏽♂️ சமாதியடைந்துள்ளார் என்பது தொன்நம்பிக்கை.
🔹நந்தா - முடிவில்லாதது. உள்ளபொருள்.
நந்தி - முடிவுள்ளது. மனம்.
oOOo
எனது நண்பர் ஒருவர், நம் திருத்தலங்களில் மூலவர் முன் அமர்ந்திருக்கும் சிவன்காளைகளைப் பற்றிய ஒரு நீண்ட இடுகையை அனுப்பியிருந்தார். அவருக்கு நான் அனுப்பிய கருத்துகளின் தொகுப்பே இந்த இடுகையாகும். நன்றி. 🙏🏽
oOOo
கருணாகரமுனி ரமணாரியன் அடி போற்றி 🌺🙏🏽🙇🏽♂️
திருச்சிற்றம்பலம் 🌺🙏🏽🙇🏽♂️
🌸🌼🌻🏵️💮
Monday, March 29, 2021
பிறப்பறுக்க தமிழ் பிள்ளையார் கூறும் அறிவுரை!!

பிறவி யறுப்பீர்காள், அறவன் ஆரூரை
மறவா தேத்துமின், துறவி யாகுமே!!
🌺🙏🏽🙇🏽♂️
-- சம்பந்தர் தேவாரம் - 1.91.2
இச்செய்யுள், ஆளுடையபிள்ளையார் 🌺🙏🏽 திருவாரூர் திருத்தலத்தில் பாடிய முதல் பதிகத்தின் 2வது செய்யுளாகும்.
மேலோட்டமான பொருள்: பிறவித்தளையை அறுக்க விரும்பும் அன்பர்களே, நீதியே வடிவான ஆரூர் பெருமானை மறவாது துதித்தால் துறவு கிடைக்குமே.
🔸"பிறவித்தளையை அறுக்க" என்று தான் குறிப்பிட்டுள்ளார். "பிறவியெடுத்துள்ள" என்று குறிப்பிடவில்லை. ஏனெனில், பிறவியெடுத்துள்ளது நமதுடல் தான். நாமல்ல. நாம் நமதுடலோடு பிணைக்கப்பட்டிருக்கிறோம். இந்த பிணைப்பை - தளையை - அறுத்தெறியவேண்டும்.
🔸ஆரூர் பெருமானை இடைவிடாது (மறவாது) துதித்தால் என்னவாகும்? ஆரூர் மூலவர் போலாகிவிடுவோம்!! ☺️ எதைத் தொடர்ந்து நினைக்கின்றோமோ அதுவாகிவிடுவோம். எனில், ஆரூர் மூலவரைத் தொடர்ந்து நினைத்துக்கொண்டிருந்தால் அந்த உருவத்தைத்தான் பெறுவோம். அதற்காகவா இவ்வளவு போராட்டம்?
ஆரூர் பெருமான் என்பது கருவறையிலுள்ள மூலவரல்ல. அதன் கீழ் சமாதியாகியிருக்கும் மாமுனிவருமல்ல 🌺🙏🏽. எங்கும் எக்கணமும் நீக்கமற நிறைந்திருக்கும் சிவப்பரம்பொருளாகும். நாமே - நமது தன்மையுணர்வே - அப்பரம்பொருள்!! அப்பொருளை மறவாது துதித்தல் என்பது நம்மை (நமது தன்மையுணர்வை) விடாதிருத்தல்.
"தன்னை விடாதிருத்தல் ஞானம். அந்நியத்தை நாடாதிருத்தல் வைராக்கியம். உண்மையில் இரண்டும் ஒன்றே." என்பது பகவான் திரு ரமண மாமுனிவரின் 🌺🙏🏽 வாக்கு.
🔸நம்மை விடாது பற்றிக் கொண்டிருந்தால், ஒரு சமயத்தில், நாம் யாரென்ற தெளிவு பிறக்கும். "நாம் இன்னார்" என்பதிலுள்ள "இன்னாரை" (அகந்தையை) விட்டுவிடுவோம். இதுவே துறவு எனப்படும். பெயர், உடை, இடங்களை மாற்றிக்கொள்வது துறவாகாது. அகந்தையை துறத்தலே துறவாகும். (இக்கருத்தை பல முறை பகவான் வலியுறுத்தியுள்ளார்)
ஆக, தன்மையுணர்வை விடாது பற்றி, தன்னைப் பற்றிய தெளிவு பெற்று, அகந்தையை துறந்து, பிறவித்தளைகளிலிருந்து விடுபடவேண்டும் என்பதே தமிழ் காத்த திருஞானசம்பந்த பெருமானின் அறிவுரையாகும்!!

oOOo
பூழியர்கோன் வெப்பொழித்த புகலியர்கோன் கழல் போற்றி 🌺🙏🏽
கருணாகரமுனி ரமணாரியன் அடி போற்றி 🌺🙏🏽
திருச்சிற்றம்பலம் 🌺🙏🏽Saturday, October 12, 2019
திருமாகறல் - உடும்பு சிவலிங்கம்
இணைப்புத் தலபுருடாவை படித்தவுடன் யாருக்கும் தோன்றுவது, "பேரரசர் முதலாம் இராஜேந்திர சோழரிடம் இந்த புருடா பார்ட்டிகள் சரியாக டின் வாங்கியிருக்கிறார்கள்" என்பதே!! 😛
👊🏽 தினமும் காய்க்கும் 🥴 பலா பழத்தை ஒருவர் தலைச்சுமையாக மாகறலிலிருந்து தில்லைக்கு கொண்டு வர வேண்டுமாம்! நம் பேரரசர் என்ன தேவேந்திரனைப் போல கூமுட்டையா இப்படி ஒரு உத்தரவு பிறப்பிக்க? 😁
👊🏽 தில்லை கூத்தப் பெருமானுக்கு படையல் செய்து விட்டு, கங்கைகொண்ட சோழபுரத்திற்கு பழம் வந்து சேர வேண்டுமாம். அதை தினம் பேரரசர் புசிப்பாராம். எதற்கு? நாள் பூராவும் கழிவறையிலேயே அமர்ந்து இருப்பதற்காகவா? 🤭 அவரென்ன பரங்கி அலெக்ஸாண்டரைப் போல பேட்டை தாதாவா? உண்மையான மாவீரன்! 💪🏽 மாலத்தீவுகள் முதல் ஆரியக் காட்டுமிராண்டிகளின் தாயகமான ரிஷிவர்ஷாவின் (இன்றைய ரஷ்யா) கீழ் பகுதிகள் வரை கோலோச்சியவர். வங்காள விரிகுடாவை அவரது கப்பல்கள் நிறுத்தும் ஏரியாக பயன்படுத்தியவர். 😍🤩
👊🏽 ஒவ்வொருவர் முறை வரும் போதும் அவரவரே பழத்தை சுமந்து சென்றார்கள் என்று ரீல் சுற்றியவர்கள், அந்தணச் சிறுவன் முறை வரும் போது மட்டும் "ஊரே சுமந்து சென்றது" என்று ஓவராக ரீல் சுற்றி விட்டார்கள்! (எடிட்டிங்கில் கோட்டை விட்டுவிட்டனர் போலும்!! 😜) அந்தணன் - எவ்வுயிரையும் தன்னுயிர் போலக் கருதுபவர்; அறவழி நடப்பவர்; பற்றுகளை விட்டவர்; ஈர மனம் கொண்டவர். ஆரியனல்ல.
👊🏽 ஒரு பிஸ்கோத்துப் பயலை நாடு கடத்த பேரரசர் உடன் சென்றாராம். திரும்பும் வழியில் பொன் நிற உடும்பை பார்த்தாராம். அதைப் பிடிக்க முயலும் போது புற்றுக்குள் புகுந்து கொண்டதாம். புற்றை கலைக்கும் போது வால் பகுதியில் கோடரி பட்டு இரத்தம் வந்ததாம். சிவபெருமான் Bosch ஸ்பீக்கர் வழியாக பேசினாராம். கோயில் கட்டச் சொன்னாராம். இதனால் தான் மூலவர், உடும்பின் வால் போலத் தோற்றமளிக்கிறாராம். 😂😂🤣
நோனி என்றொரு மருந்து உண்டு (நுணா பழரசம்). நமது செல் நிலைக்குச் சென்று பணி செய்ய வல்லது. இதனால் எத்தனையோ பயன்கள் இருந்தாலும், சிறு நகரங்களில் இப்படி விளம்பரம் செய்திருப்பர்: ஆண்மை குறைப்பாட்டை முழுவதுமாக தீர்க்க வல்லது!! 😝 இது போன்றது தான் மேற்கண்ட உடும்பு புருடா. எவ்வளவு உயர்ந்த செய்தியை இவ்வளவு தரம் தாழ்த்தி வழங்குகிறார்கள். 🤬
🌷 தினமும் காய்க்கும் பலாப்பழம் என்பது நமது மனதைக் குறிக்கும். தினமும் காலையில் கண் விழித்ததும் தனது வேலையை தொடங்கி விடும். மொத்த மனதும் ஒரு பழம் எனில், அதிலுள்ள ஒவ்வொரு சுளையும் ஒரு எண்ணமாகும். ஒவ்வொரு எண்ணமும் பல பின் விளைவுகளை உருவாக்கவல்லது - சுளையினுள் உள்ள விதைக் கொட்டை மீண்டும் ஒரு மரத்தை உருவாக்க வல்லது போல.
எவ்வளவு அருமையான உவமானம்!! 👌🏽 பேரரசரை மட்டம் தட்ட முயன்று, உவமானத்தை மட்டமாக்கி விட்டார்கள். 😔
🌷 #மாகறல் = மா + கறல் = பெரிய விறகு! சிவப்பரம்பொருளுக்கு ஆரியத்தில் #தாணு என்றொரு பெயருண்டு. இதற்கு சமமான தமிழ் சொல் தான் கறல். நிலையானது, அசைவற்றது, மாறாதது என பல பொருள் உண்டு. மெய்யறிவாளரைக் குறிக்கும். உடன் "மா" சேர்த்ததற்கு காரணம், இந்த உடும்பு அடையாளத்தின் கீழ் சமாதியாகி இருக்கும் மெய்யறிவாளர் 🌺🙏🏼, மிகவும் புகழ் பெற்றவராக அல்லது அவர் காண்பித்த வழி மிகவும் சிறப்பு வாய்ந்ததாக இருந்திருக்கும். ரிஷி மற்றும் மகரிஷி எனும் ஆரிய சொற்களுக்கும் இடையிலான வேறுபாட்டை போன்றது.
🌷 இத்தலம் மிகவும் தொன்மையான தலங்களுள் ஒன்றாகும். அன்று கையில் கிடைத்த பொருளை சமாதியின் அடையாளமாக வைத்தனர். இதனால்தான் பழமையான சிவலிங்கங்கள் சீராக இல்லாமல், வித விதமான தோற்றங்களில் இருக்கும். நமது சமயம் மிகமிகப் பழமையானது என்பதற்கு, காட்டுமிராண்டிகளின் படையெடுப்புகளில் இருந்து தப்பித்த இது போன்ற சில சிவ அடையாளங்கள் (சிவ லிங்கங்கள்) ஒரு சான்றாகும்!! 👏🏽👌🏽
🌷 இத்தலத்திற்கு திருஞானசம்பந்தர் 🌺🙏🏼 வருகை புரிந்து, பதிகம் பாடியிருக்கிறார். பதிகம் முழுவதும் இத்தலத்து இறைவனை தொழுதால் எல்லா வினைகளும் (வினை, தொல்வினை, வருவினை) கனளந்து போகும் எனப் பாடியுள்ளார். இதனாலேயே இப்பதிகத்துக்கு #வினை #களையும் #பதிகம் எனப் பெயரிட்டுள்ளனர். மேலும், சேலம் சுப்பராயப் பிள்ளை என்பவர் தம் உடலில் இடுப்பின் கீழ் செயலற்றுப் போக, எல்லாவித மருத்துவமும் செய்து பலனின்றிப்போக, திருமுறையில் கயிறுசார்த்திப் பார்த்து, இத்தலப்பதிகம் வர, இங்கு வந்து தங்கி, நாடொறும் இறைவனை வழிபட்டு, இப்பதிகத்தை ஓதி, சிலகாலம் வாழ்ந்து, இப்பெருமானருளால் முழுகுணம் பெற்றுத் திரும்பினார். இந்நிகழ்ச்சி அண்மைக் காலத்தில் நிகழ்ந்ததாகும் (சான்று: Shaivam.org). இப்படிப்பட்ட பதிகம் பாடிய ஆளுடையபிள்ளையாரின் காலம் பேரரசரின் காலத்தை விட 400 வருடங்கள் முந்தையது (7ஆம் நூற்றாண்டின் ஆரம்ப காலம்). பின்னாளில், பேரரசர் திருப்பணி செய்திருக்கலாம். ஆக, குறைந்தபட்சம் இத்தலத்தின் வயது 1400 ஆண்டுகள் இருக்கும். ஆனால், அதற்கும் வெகு காலத்திற்கு முன்னரே மூலவர் சமாதி உருவாகியிருக்கும். இப்படிப்பட்ட சிறப்புகளை எடுத்துக் கூறாமல் உடும்பு லிங்கம், யானைமீது முருகன், வீணை மீட்டும் தென்திசைக் கடவுள் என அஜினமோட்டோக்களை 🤮 பயன்படுத்தியுள்ளனர்!! 😡
🌸🏵️🌼🌻💮
இத்தலப்பதிகத்தில் பிள்ளையார், சிவன்காளையை திருமால் எனக் குறிப்பிடுகிறார் (#செங்கண்விடை #யண்ணலடி). நாம மதம் உருவாகி, பெருமாளை கடத்திக் கொண்டு போனதெல்லாம் இவர் காலத்திற்கு பின்னர் தான். எனவே, பெருமாளை மட்டம் தட்டினார் என்று எடுத்துக் கொள்ளக் கூடாது. "நிலையற்றது" என்ற தத்துவத்தை இவ்வாறு குறிப்பிட்டுள்ளார் என்று எடுத்துக் கொள்ள வேண்டும்.
🌸🏵️🌼🌻💮
...மாகறலுளான் அடியையே
உடைய தமிழ் பத்தும் உணர்வார் அவர்கள் தொல்வினைகள் ஒல்கும் உடனே
-- சம்பந்தர் தேவாரம் 3.72.11
பொருள்: திருமாகறலில் உறையும் பெருமானைப் போற்றும் இப்பதிகத்தை உணர்ந்து ஓதுபவர்களின் தொல்வினைகள் உடனே நசிந்து போகும்.
திருச்சிற்றம்பலம் 🌺🙏🏼
Wednesday, August 16, 2017
பாரத சுதந்திரத்தைப் பெற்றது ஒரு தமிழர்! சுதந்திரம் பெறும் போது ஒலித்தது தமிழ்!!
👏👏👏👍💪
இது என்ன புதுக் கதை என்று தோன்றுகிறதா? வரலாற்றை பார்ப்போம்...
"பாரதத்திற்கு #சுதந்திரம் 'கொடுக்கிறோம்' (1)" என்று மௌண்ட்பேட்டன் தெரிவித்தவுடன் ஜவஹர்லால் காஜிக்கு (2) என்ன செய்வதென்றே தெரியவில்லை. உடனிருந்த #மூதறிஞர் #இராஜாஜி பாரம்பரிய நியதிகளை எடுத்துச் சொல்லி அதற்கான ஏற்பாடுகளை செய்தார். #திருவாவடுதுறை ஆதீனத்தை தொடர்பு கொண்டார். ஆதீனம் கடும் காய்ச்சலால் அவதியுற்றுக் கொண்டிருந்ததால், ஆதீன கட்டளைத்தம்பிரான் ஒருவரையும், ஓதுவார் ஒருவரையும் தனி விமானத்தில் டில்லிக்கு அனுப்பிவைத்தார். கிளம்பும் முன், கட்டளைத்தம்பிரான் ஆதீனத்திடம் செங்கோல் பெறும் முன் கடைபிடிக்க வேண்டிய நியதிகளைக் கேட்டுத் தெரிந்துகொண்டார்.
விழாவில் பரங்கி மெளண்ட்பேட்டனிடமிருந்து செங்கோலைக் கட்டளைத்தம்பிரான் பெற்று, ஓதுவார் கோளறு பதிகம் பாட, அச்செங்கோலை காஜியிடம் அளித்தார்!!
💪 ஆம், ஒலித்தது தமிழ் (கோளறு பதிகம்).
💪 செங்கோலைப் பெற்றது தமிழர் (கட்டளைத்தம்பிரான்).
💪 கடைபிடிக்கப்பட்ட நியதிகள் தமிழ் மன்னர்கள் கடைபிடித்த நியதிகள்.
👏👌👍💪💪🙏😍😘
உச்சந்தலை முதல் உள்ளங்கால் வரை புதிய இரத்தத்தை பாய வைக்கும் செய்தி இது. ஏன் மறைக்கப்பட்டது? #தமிழ், #தமிழர், #சைவம், #ஆதீனம், #கோளறு #பதிகம் - இவை தான் மறைக்கப்பட காரணங்கள். இன்று, இங்கேயே இவை பலருக்கு ஆகாது. 😏 அண்டை மாநிலங்களை, வடக்கத்தான்களைப் பற்றி சொல்லவேண்டுமா என்ன? 😜
நேதாஜியால் கிடைத்த சுதந்திரத்தை இன்று வரை "மோகன்தாஸ் தான் பெற்றுக்கொடுத்தார்" என்று உரு ஏற்றிக் கொண்டிருக்கிறோம். 😛 இந்த லட்சணத்தில் அன்றைய இரவு, பரங்கி மெளண்ட்பேட்டனிடமிருந்து செங்கோலைப் பெற்றது நம் திருவாவடுதுறை ஆதீனத்து கட்டளைத் தம்பிரான் தான் என்றால் யார் ஏற்றுக்கொள்வர்? அதுவும் #திருஞானசம்பந்த பெருமானின் கோளறு பதிகத்தை ஆதீன ஓதுவார் பாடி முடித்த பின்னரே பெறப்பட்டது என்றால்...? கோபம், அதிர்ச்சி, குபீர் சிரிப்பு போன்ற *நியாயமான* விளைவுகளைத் தவிர "அருமை" என்ற *அநியாயமான* விளைவு இன்று எத்தனை பேருக்கு ஏற்படும்? 😁
கோளறு பதிகத்தை "அடியார்கள் வானில் அரசாள்வர் ஆணை நமதே" என்று முடிக்கிறார் #ஆளுடையபிள்ளை. (அடியார்கள் என்பது சிவனடியார்களை மட்டுமல்லாது, நல்ல உள்ளம் கொண்டவர்கள், நியாயமானவர்கள், தர்மத்தை கடைபிடிப்பவர்கள் என்று எடுத்துக் கொள்ளலாம்.) மகான்களின் வாக்கு பொய்க்காது. *சம்பந்தப் பிள்ளை சொன்னது வானைத் தான். பாரதத்தை அல்ல. எனில், பாரதத்தை ஆட்சி செய்வது... அன்றிலிருந்து இன்று வரை... கொள்ளைக்காரர்கள்!!* 👊👊👊
பி.கு.: *வந்தே மாதரம்* என்ற முழக்கம் முதன் முதலில் ஒலித்தது கோவை சிறையில் தான்! *ஜெய்ஹிந்த்* என்று முதன் முதலில் முழங்கியதும் ஒரு தமிழர் தாம் - "எம்டன்" புகழ் செண்பகராமன் பிள்ளை!!
(மூலம்: ஒரு வாட்ஸ்அப் செய்தி மற்றும் திருவாவடுதுறை ஆதீனத்தின் முகநூல் பக்க இடுகை)
🔥🔥🔥
1. எங்கே கொடுத்தார்கள் சுதந்திரம்? "பட்டது போதும். நாங்கள் இனி நேரடியாக கொள்ளையடிக்க விரும்பவில்லை. நாங்கள் சொல்லியபடி நீங்கள் கொள்ளையடித்து, ஒரு பகுதியை எங்களுக்கு கொடுத்தால் போதும்" என்றல்லவா கொள்ளையர்கள் கையில் ஒப்படைத்து விட்டுச் சென்றார்கள். 😠
2. "எந்த பெண்ணை எப்படி கவிழ்ப்பது" என்பது மட்டும் தான் ஜவஹர்லால் காஜிக்குத் தெரியும்! 😂 மீறிப் போனால், ஆட்சியாளர்களிடமிருந்து தலை தப்பிக்க இரவோடு இரவாக பெயரை #காஜி என்பதிலிருந்து #நேரு என்று எப்படி மாற்றுவது என்பது தெரிந்திருக்கும். 😝
Monday, June 27, 2016
🌸 திருநீற்றைப் / விபூதியைப் பற்றி சில தகவல்கள் 🌸
🔯 தத்துவ ரீதியில்:
*ஒரு பொருள் முழுவதும் எரிந்து முடிந்த பிறகு, சில சமயம், அதன் உருவம் கலையாமல் சாம்பல் அப்படியே இருக்கும். உருவம் கலையாதிருப்பதால் மட்டும் அப்பொருளினால் எந்த உபயோகமும் கிடையாது. அவ்வாறே, ஞானமடைந்த பின் (சிவ நிலையை அடைந்த பின்), ஞானிக்கு (சிவனுக்கு) இவ்வுலகம் எரிந்து முடிந்து சாம்பல் உரு கலையாமல் இருப்பது போல் தோன்றும் (தோற்றமாத்திரமே; இருப்பற்றது; சுயப்பிரகாசமற்றது). இக்காரணத்தினால் தான் "சிவன் சுடுகாட்டில் வாழ்பவர்" எனப்படுகிறார்!!*
அதாவது, ஞானிக்கு (சிவனுக்கு) தன்னைத் தவிர மற்றனைத்தும் கலையாத சாம்பால் உரு போன்று, கானல் நீர் காட்சி போன்று, கனவு போன்று , பொய்யென்றுத் தோன்றும்!
🔯 மருத்துவ ரீதியில்:
பசுஞ்சாணத்திலிருந்து தயாரிக்கப்படும் விபூதி நல்ல கிருமிநாசினி!
மறைந்த மராத்திய பேராசிரியர் தபோல்க்கரின் ஆய்வின்படி, முழுவதும் எரிந்து முடிந்த பின் கிடைக்கும் சாம்பலில் இருக்கும் மேன்மையான சத்துக்கள் (மேலான செல்வங்கள்) மட்டுமே மண்ணிலிருந்து தாவரங்களால் உறிஞ்சப்பட்டவை. இவை அளவில் மிகக்குறைவாகவே இருக்கும். நம் உடலுக்கும் மிகக் குறைவாகவே தேவைப்படும். நாம் உடலில் பூசிக்கொள்ளும் போது தோலின் மூலம் சிறிதளவு அந்தச் சத்துக்கள் ஈர்த்துக் கொள்ளப்படும். அது போதுமானது.
🌸🌹🌺🌻💮🌷🍀🍁🌼
இந்த மருத்துவ ரீதியான பயன் நமக்கு உடனடியாகப் புரியும். தத்துவ ரீதியான பயன்? ஞானிக்கு (சிவனுக்கு) உலகம் எப்படித் தோன்றினால் என்ன? அதனால் நமக்கு என்ன பயன்?
*நம் சமயத்தில் இருக்கும் பெரும்பாலான சமாச்சாரங்களைப் போன்று தான் இதுவும்: விபூதியை இட்டுக் கொள்வது, நம்மைப் பார்த்து மற்றவர்களும் மற்றவரைப் பார்த்து நாமும், மேற்சொன்ன பேருண்மைகளை மறவாதிருக்கவும் & இடைவிடாது சிந்திக்கவும் தான்!*
இந்த பேருண்மைகளை என்றும் மறவாது, தொடர்ந்து சிந்தித்துக் கொண்டிருத்தால் இறுதியில் அதுவாகவே (சிவனாகவே) மாறிவிடுவோம் ("எதை நினைக்கின்றாயோ அதுவாகவே ஆகின்றாய்" என்ற கோட்பாட்டின் படி).

💠 "மந்திரமாவது நீறு" என்கிறார் ஆளுடையப்பிள்ளையார். மந்திரம் எனில் சிந்தனையைத் தூண்டக்கூடிய கருவி. இது சொல், சொற்றொடர், பொருள், அடையாளம், ஜீவன், எண்ணம், செயல் என எது வேண்டுமானாலும் இருக்கலாம். ஆகையால், பிள்ளையாரின் வார்த்தைகளை இப்படி மாற்றலாம்: "சிந்திக்கத் தூண்டுவது நீறு". எதை சிந்திக்கத் தூண்டுகிறது நீறு? *மேற்சொன்ன பேருண்மைகளை!!*.
💠 "விபூதியை கீழே சிந்தாதே" என்பர் நம் பெரியோர். இதுவும் தத்துவ ரீதியில் சொல்லப்பட்டதே. "பாடுபட்டு அடைந்த மேலான ஞானத்தை இழந்து விடாதே" என்பதே இதன் பொருள். ஞானம் என்பது அறிவு. என்ன அறிவு? "நான் இவ்வுடலல்ல என்ற *அனுபவ* அறிவு". இவ்வனுபவம் கிட்டும் போது உலகம் இருப்பற்று போகும் - கலையாத சாம்பல் உரு / சுடுகாடாகி விடும். இந்த நிலையை அடையும் ஜீவன் சிவனாகிறான். இப்படி சிவநிலையை அடைந்த பின்னும் சிலர் மீண்டும் உலகமாயையில் சிக்கிவிடுவர். ஞானானுபவம் ("நான் இவ்வுடலல்ல" என்ற அனுபவம்) ஸ்திரமாகும் வரை எச்சரிக்கையாக இருக்க வேண்டும் என்பார் பகவான் ஸ்ரீரமணர்!

பகவானின் எச்சரிக்கைக்கு உதாரணமாக மாணிக்கவாசக பெருமானின் வரலாற்றை சிறிது பார்ப்போம். திருப்பெருந்துறையில் (ஆவுடையார்கோயிலில்) முதல் ஞானானுபவம் பெற்று பின்னர் இழந்துவிடுகிறார் (விபூதியை சிந்திவிட்டார்!!). பின்னர், அழுதுபுலம்பி அவ்வனுபவத்தைத் தேடி பல இடங்களுக்குச் செல்கிறார். இரண்டாவது முறையாக திருக்கழுகுன்றத்தில் சிறிது நேரம் கிடைக்கப் பெறுகிறார். இறுதியில், சிதம்பரத்தில் அவரது ஞானம் (சிவானுபவம் / ஞானானுபவம் / இறையனுபவம்) ஸ்திரமாகிறது. சீவத்தன்மை முற்றிலும் நீங்கப்பெறுகிறார் - சிவமாகிறார். இதையே "இறைவனோடு கலந்தார்" என்கிறோம்.
🌸🌹🌺🌻💮🌷🍀🍁🌼
விபூதியை வாங்குவதிலும் மிகுந்த கவனம் தேவை! நாட்டுப் பசுவின் சாணத்திலிருந்து பாரம்பரிய முறைப்படி தயாரிக்கப்பட்ட திருநீறே பூசிக்கொள்ள உகந்தது. தமிழகத்தில் மிகப் பிரபலமான விபூதி தயாரிப்பு நிறுவனம், பழைய காகிதங்களையும் மற்றும் குப்பை காகிதங்களையும் வாங்கி, எரித்து சாம்பலாக்கி பின்னர் அதனுடன் வாசனை வேதியல் பொருட்களைச் சேர்த்து "ஸ்பெஷல் விபூதி" என்று மக்களை ஏமாற்றுகின்றது!! ஆகையால், விசாரித்து வாங்கவும். நன்கு தெரிந்த அர்ச்சகரிடமிருந்து அபிஷேக விபூதி பெற்றாலும் கூட, தயவு செய்து பிரசாதமாக வாயில் போட்டுக் கொள்ளவேண்டாம்.
🔥 வெளிப்புறத்தில் தரமான திருநீற்றைப் பூசி மருத்துவப் பயன்களைப் பெறுவோம்
🔥 உள்புறத்தில் சரியான தவமியற்றி இறைவனடி எனும் திருநீற்றினைப் பெறுவோம்
🔥 பிறப்பறுப்போம்
🔥 பிறவிப்பயனையடைவோம்
🔯 திருச்சிற்றம்பலம் 🔯
posted from Bloggeroid






