🐢 ஆமை திருவிறக்கம் (கூர்ம அவதாரம்)

(ஸ்ரீராமகிருஷ்ண விஜயம் - ஐப்பசி 2019)

இது போன்றக் கதைகளில் ஒன்று, மெய்யறிவு கிடைக்கும் போது நடக்கும் நிகழ்வுகள் அல்லது மெய்யறிவுப் பெற செய்ய வேண்டிய பயிற்சி பற்றி பதிவு செய்திருப்பார்கள். இக்கதையில் இரண்டையும் பதிவு செய்திருக்கிறார்கள்.

🌸 கடல் - நம் உடல்

🏵️ கடைதல் - வடக்கிருத்தல் (தவமியற்றுதல்)

🌻 ஆமை - புலனடக்கம். இக்கதையில், முதலில் ஆமை இல்லாமல் கடைவார்கள். அப்போது மந்தார மலை புதைய ஆரம்பிக்கும். பின்னர் ஆமை வந்து மலையைத் தாங்கும். அதாவது, புலனடக்கம் இல்லாத வடக்கிருப்பு (தவம்) வீணாகிவிடும். எனவே, முதலில் புலனடக்கத்தைக் கற்றுக் கொண்டு, பின்னர் நிலைபேறு பெற வடக்கிருக்க வேண்டும்.

🌼 வாசுகி பாம்பு - நம் மூச்சு. உள்ளே போவது உயிர்வளி (தேவர்கள்). வெளியேறுவது கரியமில வளி (அசுரர்கள்).

💮 மந்தார மலை - மெய்யாசிரியரிடமிருந்து பெற்ற அறிவுரை. பகவான் திரு ரமணர் 🌺🙏🏼 அருளிய "நான் யார்?" (தன்னாட்டம்) என்ற அறிவுரை ஒரு தலை சிறந்த கடையுங்கருவியாகும்!! 👏🏽👌🏽😍

🌹 இலக்குமி தாயார் - புலனடக்கத்துடன், அந்நியங்களை நாடாமல், உறுதியுடன், விடாப்பிடியாக தன்னாட்டப் பயிற்சியை மேற்கொண்டால் (கடைந்தால்), இறுதியில், "இது வரை தேடியவனே தேடப்பட்டவனுமாகும்" என்ற தெளிவு பிறக்கும். இதுவே, மெய்யறிவு - அமிர்தம் - இளையவள் (இலக்குமி / #சின்னாயி / #நப்பின்னை) எனப்படும். இதற்கு முன்னர், அவரவர் முன்வினைகளுக்கேற்ப பல வித அறிவு வந்து சேரும். அவையெல்லாம் மீண்டும் நம்மை பிறவி சுழற்சியில் தள்ளிவிடும் என்பதால் அழுக்கு / நஞ்சு என்றும், முதலில் வெளிப்பட்டதால் மூத்தவள் (#மூதேவி / #மூத்தாயி) என்றும் அழைக்கப்படும்.

தேடியதே தேடப்பட்டதுமாகும் என்ற தெளிவு பிறந்தவுடன், தான் என்றுமே #உள்ளபொருள் (பரம்பொருள்) என்பதும் உணரப்படும். இந்த உள்ளபொருளே எங்கும் நிறைந்திருக்கும் (#பெருமாள்), யாவுமாகியிருக்கும் (#சக்தி),  அனைத்தும் தோன்றி நிலைபெற்று ஒடுங்க இடம் கொடுக்கும் (#சிவம்).

கருணாகர முனி ரமணாரியன் அடி போற்றி 🌺🙏🏼

திருச்சிற்றம்பலம் 🌺🙏🏼

☀️☀️☀️☀️☀️

பார்ப்பானைப் பார்க்காமற் பார்க்கப் படுபொருளைப்

பார்ப்பதனா லென்றும் பரிதவிக்கும் - பார்ப்பரே

நுந்தம் புறமேநீர் நோக்காதே யுண்ணோக்கி

தொந்தம் மறுத்தல் சுகம்

(நுந்தம் - நும் தம் - உங்களுடைய; யுண்ணோக்கி - உள் நோக்கி - பார்ப்பவனைப் பார்த்து; தொந்தம் - துவந்தம் - இருமையுணர்வு)

-- திரு முருகனார் சுவாமிகள் 🌺🙏🏼, குருவாசகக் கோவை #186

பொருள்: பார்க்கின்ற அறிவைப் பார்க்க உள்ளே திரும்பாமல் பார்க்கப்படு பொருளையே பார்ப்பதனால் துன்பப்படும் பார்ப்பாரே (புற நோக்குடையோரே), நீங்கள் உங்களுக்கு அன்னியமானவற்றின் மேல் பார்வையைச் செலுத்தாமல், உள் நோக்கி (அகமுகமாகி) இரண்டற்று நிற்பதே சுகம்.

☀️☀️☀️☀️☀️

இந்த ஆமை திருவிறக்கக் கதையை பகவானது அறிவுரைகளைக் கொண்டு தான் விளக்கிக் கொள்ளமுடியும். வைணவத்தைக் கொண்டு விளக்க முற்பட்டால் அவென்ஜர்ஸ் எண்ட்கேம் படம் பார்த்தது போலாகிவிடும்!! 🥴

It’s easy to joke about a Sardar, but it’s too difficult to be a Sardar!!

Received through WhatsApp:

I was standing at a railway station when my attention went towards a young Sikh boy standing near me wearing a Black turban with a long flowing beard and a kirpan strapped over his shirt.

Just then, an overcrowded local train arrived; the young Sikh boy tried to board the train but was unable to do so. Seeing the young Sikh unsuccessfully attempting to board the Train someone from inside the coach shouted out, 'Sardarji Barah Baj Gaye' (Sir it's 12 o'clock!) (ie. You are going mad!)

The Sikh, on hearing this, did not lose his composure but smiled enigmatically towards the invisible heckler. The smile was so enigmatic that it seemed as if there was some reality hidden behind the smile... Intrigued by the enigmatic smile, I walked up to the young Sardar and asked why he smiled at that person who teased him.

The Sardar simply said, “the person was not teasing me but was asking for my Help”. That reply surprised me. He then added that, “there is a history behind the statement that everyone must know”.

The young Sardar narrated this story to me:

During 17th Century, when Hindustan was ruled by Mughals, Hindus were subject to severe humiliation. The Mughals treated the Hindu women as their own property and would force Hindus to accept Islam and killed those who would refuse to accept Islam. It is then that our ninth Guru, Sri Guru Tegh Bahadurji came forward, in response to the request of the Kashmir Pandits to fight against all these cruelty of the Mughals.

Guru Tegh Bahadurji challenged the Mughal emperor to convert him to Islam. If he succeeded in doing so, all the Hindus would readily accept the Islam; however, if he failed in converting him, all cruelty towards the Hindus should stop. The Mughal emperor happily agreed to his challenge. The Mughals tried all they could, and even after severe torture they failed to convert him to Islam. The Mughals, unsuccessful in their attempt to convert Guru Tegh Bahadurji along with his four fellow members, killed them in a gruesome manner at Delhi's Chandni Chowk.

Guru Tegh Bahadurji sacrificed his life for the protection of Hindu religion. Have you ever heard of someone laying down his life for the protection of another religion? This is the reason why people still remember him as "Hind Ki Chaddar", Shield of the India. But, the great Guru did not get a decent funeral as no one came forward fearing their own death.

It was after this incident that 10th Guruji, Sri Guru Gobind Singhji (Son of Guru Tegh Bahadurji) founder of Khalsa resolved that he would create such an identity for his followers that they would be easily identifiable, and would not be able to hide themselves. Initially, the Sikhs were very few in numbers, and they formed themselves into guerrilla units, and started their battle against the Mughal emperors.

In 1739, Nadir Shah raided Delhi, looted Hindustan and was carrying back with him a lot of Hindustani treasures and nearly 2200 Hindu women. The news spread like wild fire and reached Sardar Jassa Singh the Commander of the Sikh army at that time. Sardar Jassa Singh attacked Nadir Shah's caravan the same midnight, and rescued all the Hindu women and sent them home safely. (We never read about this rescue in our text books!!)

This did not happen only once!! It became the norm...thereafter whenever any Abdaalis or Iranis attacked and looted Hindustan and tried to carry treasures and Hindu women along with them, the Sikh army, though lesser in numbers but brave hearted enough, attacked them at midnight, 12 O'clock, and rescued the women first.

Thereafter, whenever any similar incident occurred people started contacting the Sikh army for help, and the Sikhs responded, attacking the barbarians at Midnight, 12 O'clock, with a passion bordering on madness.

Today, these "smart people" and the enemies of the Sikhs have spread the word that at "12 O'clock, Sikhs go mad"!!

This history was the reason I smiled at the person. By shouting out "Sardarji Barah Baj Gaye", he meant that his Mother or Sister was in trouble and he needed my help.

👏🏽👏🏽👏🏽👍🏽💪🏽😍😌

Do forward this message to everyone you know! Let this unknown valiant history be known henceforth!! It’s easy to joke about a Sardar; but it’s too difficult to be a Sardar!!!

Jai Hind!

Vandhe Maatharam!!

இந்த வார ஞானானந்தம் = ஒரு ஆரம்பநிலை பைத்தியம் + 23ஆம் புலிகேசிக்கு சமமான ஒரு அரசர் + ஒரு முக்கால் வேக்காடு!! 😝

காலையில் முதன் முதலில் கண்ணில் படும் நபரை ராமா என்று சொல்லச் சொல்லி, பின்னரே வேலையைத் துவங்குவாராம். அப்படிச் சொல்லாவிட்டால், சண்டையிட்டு அரசர் வரை செல்வாராம். வேலை வெட்டி இல்லாத புலிகேசி அரசரும், இது ஒரு வழக்கென்று விசாரிப்பாராம். விசாரித்து முடிக்காமலேயே வைக்கப்படும் கோரிக்கையை ஏற்றுக் கொள்வாராம். இன்னும் ஒரு முறை இறைவனின் பெயரைச் சொன்னாலே விடுதலை என்று உணர்ந்த அதி தீவிர பத்திமர், இன்னும் குடும்பத்தின் மேல் பற்று வைத்து, பரம்பொருளை நம்பாமல் அரசரை நம்புவாராம். இறைபெயரைச் சொன்னவுடன், கபாலம் திறந்து, ஒரு ஒளிச்சுடர் புறப்பட்டு (கண்டசாலா  பின்னணி இசையுடன் 😁) ஆகாயம் நோக்கிச் சென்றதாம் (ஏனெனில்,  அங்கு தான் Z+ பாதுகாப்புடன், அதிநவீன கண்காணிப்புக் கருவிகள் கொண்ட பரம்பொருளின் ஆஃபீஸ்-கம்-ரெசிடன்ஸ் உள்ளது! 😜).

இன்னும் எவ்வளவு காலம் தான் மக்களை மாக்களாகவே வைத்திருக்க முயற்சிப்பரோ? 😔

ஜபத்தின் பொருள், எல்லா நினைவகளும் / எண்ணங்களும் விலகுவதற்காக ஒரு நினைவை / எண்ணத்தை உறுதியாகப் பற்றுதல் (பகவான் திரு ரமணரின் 🌺🙏🏼 விளக்கம்). அந்த ஒரு எண்ணம் ராமரைப் பற்றியதாகவும் இருக்கலாம். அவரது மாமனார் இராவணனைப் பற்றியதாகவும் இருக்கலாம் (வான்மீகி இராமாயணம் தவிர வேறு இராமாயணங்கள் எத்தனையோ உண்டு. சிலவற்றில் இவ்வாறு சித்தரிக்கப்பட்டுள்ளது.). எல்லாவற்றிலும் சிறந்ததாக பகவான் அருளுவது நான் என்னும் நமது தன்மையுணர்வை ஜபிப்பது ("நான் நான் என்று கருதிக் கொண்டிருந்தாலும் இருதயத்திற்கு கொண்டு போய்விடும்").

ஜபம் வெகு தீவிரமடையும் போது அஜபமாக மாறும். தானாக நடக்கும். தானாக நடக்கும் ஜபத்தைக் காண (சாட்சி) ஒருவன் இருக்க வேண்டுமல்லவா? அந்த ஒருவன் தான் நாம். மனதின் சாட்சி. என்றும் உள்ளபொருள். நாம் எப்போதுமே உள்ளபொருளாக இருந்தாலும், நம்மை நாம் அவ்வாறு உணர்வதில்லை. அவ்வாறு உணர்வதற்காகத் தான் ஜபம், தியானம், தன்னாட்டம், திருத்தல பயணம் என பல உத்திகளை நம் முன்னோர்கள் உருவாக்கினர்.

ஒரு மண்குடத்தின் உள்ளேயும் வெளி உள்ளது. வெளியேயும் வெளி உள்ளது. இரண்டையும் சேர்க்க, மண்குடத்தை உடைத்தால் போதும். இது போன்றது தான் இறைவனை அடைதலும். இந்த மொத்த அண்டமும் இறைவன் தான். நம்முள் சாட்சி மாத்திரமாக இருப்பதும் அவர் தான். "நான் இன்னார்" என்ற மண்குடத்தை உடைத்தால் போதும். கபாலம் திறந்து, கண்டசாலா இசையுடன், ஒளிச்சுடர் வானோக்கி செல்லத் தேவையில்லை!! 😛

ஜபத்தின் முடிவு அஜபம். தியானத்தின் முடிவு தியானிப்பவனே தியானிக்கப்படுபவன் என்று உணர்தல். இவ்விரண்டு உத்திகளும் வெற்றி பெற பகவான் அறிவுருத்தும் நுணுக்கம்:

விட்டுக் கருதலின் ஆறுநெய் வீழ்ச்சிபோல்

விட்டிடாது உண்ணலே உந்தீபற

விசேடமாம் உன்னவே உந்தீபற

அவ்வப்போது ஜபித்தலைக் / தியானித்தலைக் காட்டிலும் தொடர்ந்து, ஆற்றின் நீரோட்டத்தைப் போல, ஊற்றப்படும் நெய்யின் வீழ்ச்சியைப் போல ஜபித்தலே / தியானித்தலே சிறப்பானதாகும்.

கருணாகர முனி ரமணாரியன் அடி போற்றி 🌺🙏

திருச்சிற்றம்பலம் 🌺🙏🏼

நவராத்திரி சிறப்பு பிட்டுகள்!! 🥴

👊🏽 சோழர் காலத்திலேயே #நவராத்திரி விழா அரசு விழாவாக இருந்ததாம்!

பிட்டு தயாரித்தல் என்ற முடிவுக்கு வந்த பின் ஏன் சோழர்களோடு நிறுத்திக் கொள்ள வேண்டும்? கல் தோன்றி மண் தோன்றா காலத்திலிருந்தே நவராத்திரி விழா எல்லா அரசுகளின் விழாவாகவும் இருந்தது என்று ஒரேடியாக போட வேண்டியது தானே!! 😜

👊🏽 இராமர் தான் இந்த விழாவை முதன்முதலாக கொண்டாடினாராம்! நவராத்திரி நோன்பு இருந்து தான் சீதா தேவி இருக்கும் இடத்தை தெரிந்து கொண்டாராம்!!

ஜடாயு இன்று உயிரோடு இருந்திருந்தால், இப்படி நினைத்திருக்கும்: இது நமக்கு தேவையா? 🤭

ஒருவர் தனது தயாரிப்பை, அது எவ்வளவு டுபாக்கூராக இருந்தாலும், உயர்த்திப் பேச உரிமையுண்டு. ஆனால், மற்றவர்களது தயாரிப்பை எந்த விதத்திலும் குறைத்துப் பேச உரிமையில்லை. இங்கே, பெண் தெய்வ வழிபாட்டை உயர்த்திக் காட்ட,  இராமர் நவராத்திரி நோன்பு இருந்ததாக பிட்டு போட்டிருக்கிறார்கள். பெருமாளை உயர்த்திக் காட்ட சிவதத்துவத்தை இறக்கி சித்தரிப்பார்கள் நாமப்பேர்வழிகள் (பெண் தெய்வ வழிபாட்டுக் கூடாரத்தின் வழியாக தப்பித்த பெளத்த மொட்டைகள்). 😠

பாலைவன மதங்களைப் போலவே இவற்றிற்கும் தோற்றம் உண்டு. தோன்றுபவை ஒரு சமயத்தில் மறைந்து தான் தீரும் என்பது விதி. என்றென்றும் நிலைத்திருக்கப் போவது உலகின் தாய் சமயமாகிய தமிழரின் ஆதி சைவமே! 💪🏽

👊🏽 நவராத்திரி காலத்தில் சிவதத்துவத்தின் 1008 பெயர்களை சொல்லவேண்டுமாம்! பின்னர், புருஷ சுக்தம், நாராயண சுக்தம், சகஸ்ரநாமம், சுதர்சன மந்திரம் மற்றும் கருட மந்திரம் சொல்லவேண்டுமாம்!!

இவ்வளவும் செய்தவன், நவராத்திரி முடிவில் கீழ்பாக்கத்தில் இருப்பான்!! 😝

நவராத்திரி பெண் தெய்வ வழிபாட்டுக்கானது. எல்லாவற்றையும் பெண் தத்துவமாக பார்ப்பது. இங்கு எதற்கு சைவம், வைணவம், வைதீகம்? 

👊🏽 சயவன முனிவரையும், அவர்தம் மனைவி சுகன்யா தேவியையும் வணங்கி விட்டு தான் ஒவ்வொரு நாளும் வழிபாட்டை தொடங்க வேண்டுமாம்!

இந்த முனிவர் சயவன்பிராஷ் என்ற உடலுக்கு உரம் சேர்க்கும் மருந்தை உருவாக்கினார் (அல்லது, இவருக்காக உருவாக்கப்பட்டது). "இவரை வணங்கு" என்பதின் மூலம் "இந்த மாரிக் காலத்தில், இந்த மருந்தை உண்டு, நோய் எதிர்ப்பு ஆற்றலைப் பெருக்கிக் கொள்" என்று அறிவுருத்துகின்றனர். "இது நல்லது தானே? இதை ஏன் கிண்டலடிக்க வேண்டும்?" என்று தோன்றலாம். இதுவே, நாம் வடநாடு போய், நம் அகத்தியரை வணங்கச் சொல்லி, அவர் அருளிய மருந்தினை உட்கொள்ளச் சொன்னால் ஏற்றுக்கொள்வரா? 😏 இதற்கும், நமது சித்த வைத்தியம் தான் அனைத்து மருத்துவத்திற்கும் தாய். அகத்திய மாமுனிவர் தான் சித்தர்களின் தலைவர்.

மேலும், சயவனரின் வரலாற்றைப் படித்தால், "இவர் முனிவரா?" என்று கேட்போம். உடலெல்லாம் செவ்வெறும்புகள் (அல்லது, புற்று மண்) மூடியிருக்க, கண்களை மட்டும் திறந்து வைத்துக் கொண்டு வடக்கிருக்கிறார். அப்போது அங்கு வந்த இளவரசி சுகன்யா, ஒருவர் வடக்கிருக்கிறார் என்பது தெரியாமல், பளிச்சென்று தெரியும் கண்களை, என்னவோ என்று நினைத்து, குச்சியால் குத்தி விடுகிறார். வலி தாங்காமல், புற்றிலிருந்து வெளிப்பட்ட முனிவர், எல்லோரையும் வைதுவிடுகிறார். இதனால் ஒருவராலும் இயற்கை உபாதைகளை கழிக்க முடியாமல் போகிறது. என்ன நடந்தது என்பதை விசாரித்தறிந்த அரசர், முனிவரிடம் மன்னிப்பு கேட்டு விட்டு, தவறுக்காக தனது மகள் சுகன்யாவை மணம் செய்து வைக்க முன் வருகிறார். முனிவரும், விக்கோ வஜ்ரதந்தி விளம்பரத்தில் வருவது போல், வாயெல்லாம் பல் தெரிய, சுகன்யாவை ஏற்றுக் கொண்டு, வசவை மாற்றுகிறார். 🤢

(இதைப் படித்ததும். வைதேகி காத்திருந்தாள் திரைப்படத்தில், பெட்ரோமேக்ஸ் விளக்கின் பல்பு பகுதியை தூளாக்கிய செந்திலை பார்க்கும் கவுண்டமணியைப் போல் உங்களது முகம் மாறினால், இன்னமும் மூளை மழுங்கவில்லை என்று பொருள்! 😁)

இனி, பகவான் திரு ரமணரின் 🌺🙏🏼 வாழ்விலிருந்து சில நிகழ்வுகள். திருவண்ணாமலை வந்த புதிதில், பெரிய கோயிலின் ஆயிரங்கால் மண்டபத்தில் பகவான் அமர்ந்திருந்த போது, ஒரு காட்டுமிராண்டி சிறுவன் அவர் மீது சிறுநீர் கழித்தான் - அவரை அவமானப்படுத்த & வம்பிழுக்க. பகவான் எதுவும் பேசாமல் இருந்தார். பின்னொரு நாள் ஒரு மாந்தோப்பில் இருக்கும் போது, தாங்கள் மாங்காய் திருடுவதை பகவான் பார்த்து விட்டதால், ஒரு திருடன் மற்றொருவனிடம் கள்ளிப்பாலை ஊற்றிவிடலாம் என்று சொன்னதைக் கேட்டும், பகவான் அசையாமல் அப்படியே இருந்தார். காண்பான், காணப்படும் பொருள், காட்சி என்ற முப்புடிகள் அகன்று, எல்லாம் ஒன்றாக, எல்லாம் தானாக விளங்கும் பகவான் எங்கு நகர்வது? யாரைத் தள்ளுவது? எதைக் கொள்வது?

நான் எனும் ஆணவத்தை துறத்தலே துறவு. இவ்வாறு துறவுற்றவரே முனிவர். எப்போதும் தன்னிலையில் நிற்றலே தவம். கோபப்பட்டு, தன்னிலை இழந்து, வைது, குடும்பியாகி... இவர் முனிவராம்! இவரை வணங்கிவிட்டு வழிபாட்டைத்  தொடங்க வேண்டுமாம்!! 😒

💥💥💥

காட்டுமிராண்டிகளிடமிருந்து தென்னகத்தைக் காப்பாற்றிய விஜயநகரப் பேரரசின் பிரதிநிதிகளாக தமிழகம் வந்த நாயக்க மன்னர்களுடன் வந்த வடபாரத விடயங்களுள் ஒன்று நவராத்திரி. எல்லாவற்றையும் பெண் தத்துவமாகக் காணும் சாக்த நெறியைச் சேர்ந்தது. சுமார் 2300 ஆண்டுகளாக நடந்த சமய, அரசியல் படையெடுப்புகள், சுமார் 950 ஆண்டுகளாக நடந்த தமிழரல்லாத ஆட்சி, கடந்த 70 ஆண்டுகளாக மக்களாட்சி என்ற பெயரில் நடக்கும் பயிரை மேயும் வேலிகளின் ஆட்சி போன்ற காரணிகளால் எல்லா கட்டமைப்புகளும் உடைந்து, எல்லா நெறிகளும் ஒன்றுடன் மற்றொன்று பின்னிப் பிணைந்து, உள்ளதும் அல்லாததும் இணைந்து ஒன்றும் இல்லாததாகிவிட்டது!! 😔

எல்லோருக்கும் மூத்தோரும், எல்லாவற்றிற்கும் பெற்றோருமான நமக்கு உள்ளபொருளை சிந்திக்க சிவராத்திரியும், அல்லாததை ஏற்றுக் கொள்ள மயானக் கொள்ளையும் போதுமானது. 💪🏽

💥💥💥

அறிவானுந் தானே; அறிவிப்பான் தானே

அறிவாய் அறிகின்றான் தானே - அறிகின்ற

மெய்ப்பொருளுந் தானே விரிசுடர் பார் ஆகாயம்

அப்பொருளுந் தானே அவன்.

-- காரைக்கால் அம்மையார் 🌺🙏🏼, அற்புதத் திருவந்தாதி, பன்னிரு திருமுறை 11.1. 4

🔥🔥🔥🔥🔥

இவ்வுலகில் வாழ்வது எங்ஙனம்?

அவரவர் பிராரப்தப் பிரகாரம் அதற்கானவன் ஆங்காங்கிருந்து ஆட்டுவிப்பன். என்றும் நடவாதது என் முயற்சிக்கினும் நடவாது. நடப்பது என் தடை செய்யினும் நில்லாது. இதுவே திண்ணம். ஆகலின் மெளனமாய் இருக்கை நன்று.

-- #பகவான் #திருரமண #மகரிஷி 🌺🙏🏼 தன் தாய்ககு எழுதிக் காட்டியது. இதுவே பகவானருளிய முதல் அறிவுரையுமாகும். இதற்கு சமமான #திருமுருகனார் சுவாமிகளின் 🌺🙏🏼 செய்யுள் (#குரு #வாசகக் #கோவை #150):

பதம் பிரிக்காமல்:

ஊழேகூ ழாக உணர்ந்தோ ருளங்கலங்கிக்

கூழுக்கா வென்றுங் குலைவுறார் - கூழதனை

வேண்டினும் வேண்டா விடினு மெவர்க்குமவ்

வூண்டா னொழிய துணர்.

பதம் பிரித்து:

ஊழே கூழ் ஆக உணர்ந்தோர் உளம் கலங்கிக்

கூழுக்கா என்றும் குலைவு உறார் - கூழ் அதனை

வேண்டினும் வேண்டா விடினும் எவர்க்கும் அவ்

ஊண் தான் ஒழியாது உணர்.

(ஊழ் - தலைவிதி; கூழ், ஊண் - துய்க்கும் பொருள்கள்; குலைவு - கவலை; ஒழியாது - தவறாது)

அகத்தில் தோன்றும் எண்ணங்கள் முதல், புறத்தில் காட்சிகளாக, பொருட்களாக, பட்டறிவாக நமக்கு வந்து சேருபவை அனைத்தையும் கூழ் எனும் சொல்லின் மூலம் குறித்தது அழகு!!

பொருள்: இந்தக் கூழானது அவரவர் முன்வினைப்படி விரும்பினாலும், விரும்பாவிட்டாலும் தவறாது வந்து சேரும். இதை உணர்ந்தவர்கள் எதற்காகவும் கலங்கமாட்டார்கள்.

இதே கருத்தை #வள்ளுவப் #பெருந்தகை-யும் 🌺🙏🏼 376-ஆம் குறளில் தெரிவிக்கிறார்:

பரியினும் ஆகாவாம் பாலல்ல உய்த்துச்

சொரியினும் போகா தம.

பொருள்: முன்வினையால் தமக்கு உரியவை அல்லாதப் பொருள்களை வருந்திக் காப்பாற்றினாலும் நில்லாமல் போய்விடும். உரியவை எனில், வேண்டா என்று நாமே வெளியே தள்ளினாலும் நம்மை விட்டுப் போகமாட்டா.

ஊழைப் பற்றி பகவானும், சுவாமிகளும் மேற்சொன்னவற்றில் அதை கையாளுவதைப் பற்றியும் சொல்லிவிட்டார்கள் (மௌனமாய் இருக்கை நன்று, விதியை உணர்ந்து உள்ளம் கலங்காதிருத்தல்). தெய்வப் புலவரோ அறத்துப்பாலின் ஆரம்பத்திலேயே வழியை சொல்லிவிடுகிறார்:

வேண்டுதல் வேண்டாமை இலான்அடி சேர்ந்தார்க்கு

யாண்டும் இடும்பை இல.

🏵️ வேண்டுதல் வேண்டாமை இலான் அடி - இறைவனடி.

🌻 மெளனமாய் இருக்கை நன்று - மௌனம் - "நான் என்னும் நினைவு கிஞ்சித்தும் இல்லாத நிலையே மெளனம்" - நான் என்னும் நினைவு - நான் இன்னார் என்னும் நினைவு - நான் இல்லாத இடத்திலும் தான் இல்லாமல் போவதில்லை. இதை "பூன்றமாம் அஃதே பொருள்" - உள்ளபொருள் / பரம்பொருள் - என்கிறார் பகவான்.

🌼 உளம் கலங்காமல் - கலங்கலுக்கு எதிர்பதம் தெளிவு - உள்ளத் தெளிவு. எப்போது கிட்டும்? உள்ளல் அற, உள்ளத்தே உள்ளபடி உள்ளும் போது. எண்ணங்களற்று நாம் நாமாக இருக்கும் போது. உள்ளபொருளாக உள்ள போது.

இவையனைத்தும் ஒன்றையே உணர்த்துகின்றன: வருவதை வர விட்டு, போவதை போக விட்டு, நாம் நாமாக இருப்பது மட்டுமே நம்மால் முடிவதும், நாம் செய்ய வேண்டியதும் ஆகும்!!

திருச்சிற்றம்பலம் 🌺🙏🏼

தோடுடைய செவியன் மலைமகளின் பாதத்தில் விழுந்து வணங்கி, தன்னை ஏற்றுக்கொள் என்று கெஞ்சினாராம்! 😏

தோடுடைய செவியன் மலைமகளின் பாதத்தில் விழுந்து வணங்கி, தன்னை ஏற்றுக்கொள் என்று கெஞ்சினாராம்! 😏 ஆனைமுகனை கொஞ்சப் போய் இருவரது கைகளும் உரசினவாம்!! 😛 (இதற்குப் பின் டூயட் என்று எழுதாமல் போனார்களே என்று மனநிறைவு அடைய வேண்டியதுதான்!!! 😁)

தனது வயிற்றின் அல்லது அகந்தையின் பசி தீர்க்க சிலர் செய்யும் வேலைகள் இருக்கிறதே!! 🤢🤒🥵

#காணபத்யம் என்கிற மதத்திற்காக இந்த பிட்டை தயாரித்தார்கள் போலிருக்கிறது. இது பெண் தெய்வ வழிபாட்டிலிருந்து வந்திருக்கிறது என்பது கண்கூடு. அசைவற்றதை பெண்ணாகவும், அசைவதை ஆணாகவும் உருவகப்படுத்தியிருக்கிறார்கள்.

உள்ளபொருள் (பரம்பொருள்) ஒன்றே. அதுவே யாதுமாகி இருக்கிறது. இதன் வெளிப்பாடுகளுக்கு மனித, விலங்கு உரு கொடுத்து, அந்த உருவங்களுக்கு நமக்கிருப்பது போல் ஆசை, பாசம், பிணக்கு என எல்லாம் காட்டியது ஒரு காலத்தில் ரசிக்கும் படியாக, வெற்றிகரமான விற்பனை உத்தியாக இருந்திருக்கும். இன்று?

இன்று என்ன, என்றோ இதற்கு பெரும் விலை கொடுக்க ஆரம்பித்துவிட்டோம். இந்த காரணத்தை வைத்து தான் காட்டுமிராண்டிகள் நம்மை தாக்க ஆரம்பித்தனர் ("காஃபிர்களிடம் இருக்கிறத லவட்டிக்க சொல்லுற டயலாக் எங்க பூரான்ல நெறைய இடத்துல டவுன்லோட் ஆகியிருக்கி" 👹).

மலைமகள் இங்கு உள்ளபொருள். தோடுடையசிவன் இங்கு சீவன். பரம்பொருளை அடைய (மெய்யறிவு பெற) சீவன் போராடுகிறது ("அவளின் காலில் விழுந்து தன்னை ஏற்கும்படி வேண்டினார்").  அடைய முடியாமல் தடுப்பது "நான் இன்னார்" என்ற பொய்யறிவு. ஒரு சமயத்தில் மெய்யறிவு வெளிப்பட்டு ("ஓடி வந்த பாலகணபதி"), பொய்யறிவை அழித்துவிடும் ("மூன்றாம் பிறையை பாலகணபதி இழுக்க முயன்றார்"). பொய்யறிவு அழிய, சீவன் பரம்பொருளோடு கலந்துவிடும். (அடைதல், கலத்தல் எல்லாம் விளக்குவதற்காக பயன்படுத்திய சொற்கள். உண்மையில், பொய்யறிவு - மாயை - விலக, நாம் என்றுமே உள்ளபொருள் தான் என்பது தெளிவாக விளங்கும்.)

(சைமன் கின்பெர்க்கிடம் மாட்டிய டார்க் பீனிக்ஸ் படத்தைப் போன்ற இந்த கதையை இதற்கு மேல் விளக்க முனைந்தால், என் தலை பேராசிரியர் எக்ஸ்-ஸின் தலை போலாகிவிடும். 😜)

(இணைப்பு: தினமலர் - ஆன்மிக மலர் - 14/09/2019)

🌸🏵️🌼🌻💮

திரு அண்ணாமலையானிடம் கெஞ்சும் பகவான் திரு ரமணர் 😀:

ஐம்புலக் கள்வர் அகத்தினில் புகும் போது

அகத்தினில் நீ இ(ல்)லையோ அருணாசலா

ஒருவனாம் உன்னையொளித்து எவர் வருவார்

உன் சூதே இது அருணாசலா

சூது செய்து என்னை சோதியாது இனி உன்

சோதி உருக் காட்டு அருணாசலா

செப்படி வித்தைக் கற்று இப்படி மயக்கு விட்டு

உருப்படு வித்தைக் காட்டு அருணாசலா

🌺🙏🏼🌺🙏🏼🌺

தேங்காய் உடைத்தால் #திருவரங்கம் பெருமாளின் உறக்கம் பாதிக்குமாம்! 😛 ஆகையால் #தேங்காய் #துருவல் படைக்கிறார்களாம்!! 😝

(தினமலர் - ஆன்மீகமலர் - 14-09-2019)

இப்படி படங்காட்டி படங்காட்டியே, கோபுரத்தில் இருக்கவேண்டிய பேருண்மைகளையெல்லாம் வீதிக்கு இறக்கி வந்து, சாக்கடை உயிரிகள் கூட கைகொட்டி சிரிக்கும் நிலைக்கு கொண்டு வந்து விட்டனர். 🤬 இன்னும் எவ்வளவு காலம்தான் இப்படி படம் காட்டுவார்களோ?

இவர்களது விளக்கத்தை எடுத்துக் கொண்டால்கூட பெருமாள் அறி-துயிலில் இருப்பவர். எப்படி அவரது உறக்கம் கெடும்?

பாம்பணை ஐம்பூதங்களால் ஆன உடலைக் குறிக்கும். அழிவதை, மாறுவதை, நிலையில்லாததை, இருப்பற்றதைக் குறிக்கும். பெருமாள் இவ்வுடலில் என்றும் அழியாமல், மாறாமல், நிலையாகவுள்ள இருப்பை - உள்ளபொருளை - பரம்பொருளைக் குறிக்கும். மொத்தத்தில், இவ்வுருவம் அரவு அணிகலனுடன் கூடிய சிவலிங்கத்துக்கு சமமானதாகும். 🌺🙏🏼 பரம்பொருளுக்கு அந்நியமாக ஏதும் இருக்கிறதா? பரம்பொருளுக்குத் தெரியாமல் ஏதும் நிகழ்ந்துவிடுமா? ஏதும் நிகழ்ந்தாலும் பரம்பொருள் தான் பாதிக்கப்படுமா? அப்படி பாதிக்கப்படுவதற்கு பரம்பொருள் என்ன "உலகை முதலில் தவறாக படைத்து விட்டு, பின்னர் அதை சீர் செய்ய தனது மகனை அனுப்பும்" கூமுட்டை 🥴 வகையறாவா?

தேங்காய் உடைப்பது என்பது அகந்தை அழிவதைக் குறிக்கும். ஓடு உடைந்து வெளிப்படும் தேங்காய், அகந்தை அழிந்து வெளிப்படும் மெய்யறிவைக் குறிக்கும். உடைத்த தேங்காய் அப்படியே அனைவருக்கும் பயன்படாது. முனிவர்கள் வெளிப்படுத்திய மெய்யறிவை அப்படியே பெறும் பக்குவம் அனைவரிடமும் இருக்காது. துருவிய தேங்காய் அனைவருக்கும் பயன்படும். இவ்வாறே மெய்யறிவையும் அனைவருக்கும் பயன்படும் படி எளிமையாக்கி கொடுக்க வேண்டும்.

இது தான், தேங்காயை படைக்காமல், துருவலை படைக்கும் சடங்கு உணர்த்தும் பொருள். திருவரங்க மூலவர் திரு அரங்கநாதப் பெருமாளின் கீழ் சமாதியாகி இருக்கும் சட்டைமுனி சித்தர் 🌺🙏🏼 இவ்வாறு அறிவுருத்தினாரா? அல்லது, அவர் வழித்தோன்றல்கள், திருராமானுஜர் போன்ற வைணவப் பெரியோர்கள் யாரேனும் அறிவுருத்தினரா என்று தெரியவில்லை.

அன்று பாமரரும் பேருண்மைகளை எளிதில் புரிந்து கொள்ளவேண்டும் என்பதற்காக ஏற்படுத்தப்பட்ட இத்தகைய சடங்குகளை, இன்று கற்றவரும் புரிந்து கொள்ள முடியாதபடி செய்துவிட்டனர். 😔

🏵️🌼🌻

எனக்கு பிடித்த தேங்காய் துருவல்களில் 😀 ஒன்று:

தன்னை உபாதி விட்டு ஓர்வது தான் ஈசன்
தன்னை உணர்வதாம் உந்தீபற
தானாய் ஒளிர்வதால் உந்தீபற

-- பகவான் திரு ரமணர் 🌺🙏🏼, உபதேச உந்தியார்

திருச்சிற்றம்பலம் 🌺🙏🏼