"கோயில்" என்றால் என்ன?

திருமதி சுதா மூர்த்தி சொன்னதாக தினமலர் வெளியிட்டுள்ள செய்தி:

கோவில்கள், குளங்களை மறுசீரமைப்பதிலேயே கவனம் செலுத்தப்பட்டதால், புதிதாக கோவிலை கட்ட மறந்துவிட்டனர்.

கோயிலை கட்டுவதற்கு இடமும், பணமும் & பொம்மைகளும், அந்த பொம்மைகளை வைத்து படங்காட்டுவதற்கு அசுரர்களும் இருந்தால் போதுமென்றும் நினைத்துவிட்டார் போலிருக்கிறது. 😏

பகவான் திரு இரமண மாமுனிவர் போன்றொரு பெருமான் திருவிடம் (அசுரத்தில், சமாதி) கொண்டிருக்கவேண்டும். அப்பெருமானின் நிலை, அல்லது, அவர் காட்டிய வழியை குறிக்கும் இறைசின்னம் அவரது திருவிடத்தை அணி செய்யவேண்டும். இதுவே கருவறையாகும். இதை மையமாக வைத்து கோயில் வளாகம் அமையவேண்டும். 

அங்கு, 

1. புறவாழ்க்கையை துறந்தோர் வடக்கிருக்கவும் (அசுரத்தில், தவமியற்றவும்),

2. வடக்கிருந்து மெய்யறிவு பெற்றோர் மற்றவர்களுக்கு வழிகாட்டவும், 

3. மெய்யறிவில் நிலைபெற்று உடல் உகுத்தோருக்கு புதிய கருவறைகள் கட்டவும், 

4. புறவாழ்க்கையில் இருப்போர் வந்து வணங்கிச் செல்லவும் வசதிகள் இருக்கவேண்டும்.

வடக்கிலிருந்து சமணம், பௌத்தம், பிரம்மஹத்தி & பௌத்தத்திலிருந்து தோன்றிய நாமம் ஆகிய பெருநஞ்சுகள் வந்து கலக்கும் வரை, அதாவது, தமிழர்கள் திருநெறியர்களாக இருந்தவரை, கோயில் என்பதின் பொருள் மேற்கண்டதாக இருந்தது. இன்று...

மல்டிப்பிளக்ஸ் திரையரங்கங்களாக, வணிக வளாகங்களாக, தொழில் செய்யும் இடங்களாக, துட்டு பார்க்கும் இடங்களாக, கண்காட்சி நடத்துமிடமாக, கண்கட்டு வித்தைகள் காட்டப்படும் இடங்களாக, மக்களை மாக்களாக்கும் இடங்களாக ஆகிவிட்டன!

உயிரற்ற புதிய கட்டடங்களை கட்டி, அசுரர்களுக்கு வேலை வாய்ப்பும், சிலை திருட்டுத் துறைக்கு சொத்துகளும் பெருக்கி தருவதை விட, உயிருள்ள பழமையான திருக்கோயில்களை சீர் செய்து, காப்பதே சரியாகும்.

oOOo

அசுரம் தவிர். தமிழ் பயில். 💪🏽

கருணாகரமுனி இரமணாரியன் அடி போற்றி 🌺🙏🏽🙇🏽‍♂️

திரு அறிவுவெளி 🌺🙏🏽🙇🏽‍♂️

🪻🌼🪷🌼🪻